A Lagoa de Cospeito

   ¡Parabéns por este merecidísimo premio! 

Gañadora   II Concurso de Fotografía de Razas Autóctonas (2025) 

Finalista:  I Concurso de Fotografía de Razas Autóctonas (2024)

  "A súa fotografía logrou capturar con mestría a esencia, a beleza e a mirada profunda das nosas razas autóctonas de Galicia. Gañar este concurso non só é un recoñecemento ao seu talento técnico e á súa sensibilidade artística, senón tamén á súa capacidade para conectar emocionalmente coas nosas raíces máis puras. 

  Máis alá do recoñecemento estético, a súa fotografía cumpre unha función social e cultural imprescindible: visibilizar a urxencia de protexer e poñer en valor as nosas razas autóctonas. A cabra galega, historicamente ligada ás zonas de montaña, é un piar insubstituíble da biodiversidade e da paisaxe de Galicia. Perdelas suporía borrar un legado xenético milenario e un trazo de identidade único

  E tamén é defender a soberanía alimentaria e a sostibilidade. Son animais perfectamente adaptados ao noso clima e terreo, o que os converte nos mellores aliados para a xestión da paisaxe, a prevención de incendios forestais e o mantemento dun rural vivo e produtivo"

Datas: Disponible dende o  21 de setembro  o 30 de novembro

Programa orientativo

  O Taller de Iniciación á Micoloxía na Carballeira de San Paio e na contorna da Lagoa de Cospeito e unha invitación a camiñar máis amodo, observar con atención e descubrir a natureza que nos rodea. Entre follas, musgo, madeira, prados e zonas húmidas iremos descubrindo pequenos tesouros que normalmente pasan desapercibidos.Porque detrás de cada cogomelo existe unha historia: unha relación coas árbores, co solo, coa humidade, cos animais e con todo o ecosistema.

 Non é necesario ter coñecementos previos nin experiencia na identificación de especies. Só é preciso traer curiosidade, ganas de camiñar e interese por descubrir o que se agocha baixo os nosos pés.

  ¿QUE SE PRETENDE CON ESTE TALLER?

 O principal obxectivo é aprender a observar e recoñecer os fungos que forman parte da paisaxe da  comarca, comprendendo o importante papel que desempeñan nos ecosistemas.

   A micoloxía non consiste simplemente en atopar cogomelos para saber se son comestibles. Os fungos forman unha parte esencial dos ecosistemas.

  Durante a actividade explicaremos como os fungos contribúen á descomposición da materia orgánica, devolvendo nutrientes ao solo e permitindo que continúe o ciclo natural da vida.

  Tamén coñeceremos a importancia das micorrizas, asociacións entre fungos e raíces das plantas que axudan ás árbores a obter auga e nutrientes e que, á súa vez, permiten aos fungos obter substancias necesarias para vivir.

   Durante o percorrido aprenderemos a diferenciar os principais tipos de cogomelos, observando as súas características máis importantes: forma, tamaño, cor, sombreiro, láminas ou poros, pé, textura, cheiro e lugar onde aparecen.

  Descubriremos que non todos os cogomelos teñen o mesmo aspecto nin viven nos mesmos lugares. Algúns aparecen nos prados; outros están asociados ás raíces dos carballos, castiñeiros, bidueiros ou piñeiros; e outros medran sobre madeira morta ou en zonas especialmente húmidas.

   Na Carballeira de San Paio localizaranse fungos propios dos bosques de frondosas, mentres que a contorna da Lagoa de Cospeito ofrecerá a oportunidade de observar a relación entre fungos, vexetación, solos húmidos e diferentes hábitats.

O taller pretende tamén transmitir unha idea fundamental: 

coñecer é o primeiro paso para respectar e conservar.

   

PROXIMA DATA: 

- 25 de xullo

   Na Lagoa de Cospeito, falar das aves na lingua propia fai que o roteiro sexa máis auténtico para os visitantes galegofalantes: conserva lingua e cultura, protexe a biodiversidade transmitindo coñecemento tradicional, fortalece a identidade local e fai máis próxima a natureza de Galicia.  

  Os nomes tradicionais das aves forman parte do patrimonio cultural de Galicia: xílgaro, miñato, lavandeira, paporrubio, tartaraña, avefría… Moitos destes nomes conserváronse durante séculos grazas á xente do rural, pescadores, cazadores e naturalistas locales e é preciso manter o seu uso: nomes de aves, plantas, fenómenos meteorolóxicos e hábitats: por exemplo: carrizal, braña, xunqueira, lameiro, turbeira, … Usar o galego axuda a manter viva a lingua ligada ao territorio, achega a natureza ao visitante e crea vínculo emocional co territorio.

   O ecoturismo en galego crea unha experiencia diferenciada: máis vinculada á Terra Chá e á cultura galega, menos artificial, e máis respectuosa co territorio.

Programa:

Amencer  – 09:00 : chegada e primeira observación. 

Mellor momento para: ver máis actividade das aves, luz suave menos vento para a fotografía.

09:00 – Fotografía desde o observatorio de fauna

10:30 – Paseo interpretado polos outros observatorios e  contorna (*)

Flora e outra fauna

(*)Pola tarde  : 

https://lagunadecospeito.blogspot.com/2026/07/paseo-por-lagoa-de-cospeito-al-atardecer.html

- Actividade de balde. Acudir con roupa acorde ao día e calzado impermeable

Máis información e reservas (Tlf ou watsapp) : 610 99 86 38

O roteiro en fotos (Día das Letras Galegas)